قامت مؤسسة \”حرية الفكر والتعبير\” برفع دعاوى تعويض أمام محكمة القضاء الإداري تحمل أرقام 40726، 40725 لسنة 65 لطلاب بجامعة عين شمس ، وهم \” مصطفى فؤاد أحمد\”، \”معتز بالله محمد السيد\”، \”عصام محمد عبد الصبور\”، و\”مجدي عبد الرحمن يوسف\”، وذلك على خلفية قيام إدارة الجامعة، بحرمان هؤلاء الطلاب الأربعة من دخول امتحانات أول مادتين من الفصل الدراسي الأول، بسبب توزيعهم منشورات داخل الحرم الجامعي، تطالب بالتغيير السياسي.
وحينها قامت مؤسسة \”حرية الفكر والتعبير\” برفع دعاوى رقم 8778، 8777، لسنة 65 ق محكمة القضاء الإداري، لوقف تنفيذ قرار الحرمان، وبالفعل نجحت المؤسسة في إصدار أحكام لصالح الطلاب،إلا أن إدارة الجامعة ضربت بالأحكام عرض الحائط ولم تقم بتنفيذ أي منهم، وبالفعل تم حرمان الطلاب من أداء الامتحانات.
وقد طالبت المؤسسة بتعويض عن الأضرار المادية والأدبية، التى لحقت بالطلاب جراء تعنت إدارة الجامعة بالامتناع عن تنفيذ أحكام محكمة القضاء الإداري وحرمانهم من أداء الامتحانات
فيما يلي نص شهادة الطالب مصطفي فؤاد أحمد :
🙁 انا طالب محروم …. إمتحان لله يا ولاد الحلال
سبب إعتراضهم عليَ فيم
بله وإشرب ميته\” بهذه الكلمات الجافة أنهي وكيل كلية الحقوق حديثنا الصاخب بعد طردي من لجنة الامتحانات..أمام الألاف من الطلاب في كليةالحقوق قلعة القانون يقف استاذ القانون – الذي لا أعلم علي اي اساس قد تمت ترقيته ..أبناءاً علي علم عظيم أم لتطأطأته لأمن مبارك!! – ليحرمني من دخول أولي إمتحانات الفصل الدراسي الاول بعدما هزمتهم عندما حكم مجلس الدولة في صالحي بإبطال قرار عميد الكلية بحرماني من دخول المادتين الاولتين من الفصل الدراسي اذاتي…عندما واجهته بنص الحكم في وجهه رد وقال\”بله واشرب ميته..برضه مش هندخلك الامتحانات \”…..
تقبلت الواقع بعد التعنت ضدي وزملائي ومنعنا من دخول تلك المادتين…حيث أفاجأ بعدها في المادة الثالثة بقرار جديد بحرماني من دخول باقي المواد…وبعد صخب وصراخ أجلسوني وهدئوني بقولهم \”رئيس الجامعة قال إمتحن عادي ..هو لغي القرار\”أنهيت الامتحان بسلام وقد أبليت فيه بلاءاً حسناً ثم جاء الدور علي المادة الرابعة فيتحفوني بتحفة جديدة من متحف جامعتي العين شمساوية العريقة – منعي من دخول المادة الرابعة…ثم السماح بدخولي المادة الاخيرة……قـــمــة الإضطراب العقلي\”
مر الفصل الدراسي الاول وجاءت الثورة لتهدم الفساد – المفروض يعني – وصرح رئيس الجامعة للصحف بأنه ينوي إلغاء تلك العقوبات التعسفية التي وقعها هو وعمدائه علي السياسيين داخل الجامعة لأن ما فعلناه هو شرف للجامعة وفخراً لمصر -علي حد قوله-….أحايث كثيرة متشابهة جميلة المظهر الخارجي
ذهبت اليوم \”19-6-2011\” لأداء أحد الامتحانات في الفصلالدراسي الثاني…أنهيت الامتحان مصاحباً رضائي عن مستوي إجابتي في الامتحان..ثم ذهبت كي أقابل رئيس الجامعة أو نائبه علي أقل تقدير…فوجئت بنفس الاستعلاء القديم في عدممقابلة الطلبة بحجة الانشغال تارة وتارة اخري بحجةعدم الوجود \”مع إن الامن قالي إنه موجود\”
فذهبت إليمقر مجالس التأديب في الجامعة لأستعلم إلي أي حد وصل مجلسي التأديبي الذي نُصب ضدي في الترم الاول وكانت نتيجته حرماني من باقي الامتحانات كما بينت من قبل …لأجد ما يصدمني ويجلعني أرتكز مكاني لدقائق في محاولة لإستيعاب الموقف
حتي المادتين اللتين قد حدث وإمتحنتهم كأن لم يكونوا..لم يرفع رئيس الجامعة قرار مجلس التأديب…حقاً لم تغير الثورة شيئاً في الجامعة…
* أحس بإحساس لا يوصف…يضاهي إحساس يوم 25 يناير عندمابكينا فرحاً عند رؤيتنا لتلكالاعداد الغفيرة المتجهة لميدان التحرير
لكنه -وللأسف- إحساس عكسي تماماااااااااااااا…زإحساس بالقهر والذل …
لا أعلم أيجب عليا أن افتخر لأن ما حدث لي كان في سبيل مصرولها..وهو الضريبة التي يدفعها كل مصري لأجل حرية الوطن..عندما فكرت في هذا الفرض وجدتني أكذب علي نفسي… لأننا لم نلقي الحرية حتي اليوم
الذي لقيته فقط هو ضياع مستقبلي..فتأخري تلك السنة هو الفعل ضياع فرصة عمل كبيرة جداا لا مجال للحديث عنها الان
ليس هذا فقط…بل والاوشاك علي ضياع حبيبتي … الصابرة بجانبي دوماً… لأنني أعلم أن اهلها لن يدعونها تظل بجانبي طويلاً عندما يعرفوا تأخري في الدراسة سنة أخري..واصلا كان سبب إعتراضهم عليَ فيما قبل كان أنني لازلت طالباً
أين العدل؟؟؟
أين العدل يا إلهي؟؟؟
أين العدل الذي وعدتنا إياه؟؟؟
في حياتي أخطاءاً كثيرة..تقريباً كان حبي لبلدي هو اطهر ما بداخلي…لماذا يأتي ذلك الخنجر المدنس في ذلك الطهر؟؟؟
ليجعلني مقهوراً مظلوما..
باكياً بقلبي..
صــــــــــــــامتاً
مؤمــــــــــــــناً
صــــــــــــــــابراً
..وكما كنت دوماً مــــقـــــــــــــــــــــــــــــــــاومــــاً
مجلس الجامعة اجتمع في \”27/6/2011 \” وقرر اني وزميلي اللي في معايا في الكلية نخش الامتحانات اللي اتحرمنا منها في دور اكتوبر \”الدور الثاني لطلاب سنة رابعة\” احنا نخش كإستثناء لأننا وقع علينا ظلم وان الجامعة هي اللي غلطانة.. \”مرفق صورة من محضر مجلس الجامعة
ذاكرنا وبقينا جاهزين للإمتحانات..قبل الامتحانات بكام يوم ارقام الجلوس نزلت واكتشفت ان احنا منزلناش ارقام جلوس مع الطلبة اللي هتمتحن …. تاني يوم روحت لعميد الكلية – دكتور خالد حمدي..العميد السابق – قالي اننا مينفععش نمتحن عشان احنا سنة تالتة والدور ده بتاع سنة رابعة بس..قولتله ده محضر مجلس الجامعة قالي برضه مينفعش برضه ولما قولتله ازاي قالي هو كده…
مشيت وتاني يوم اتصلت بدكتور حسام عيسي-دكتور قانون تجاري عندي في الكلية- دكتور حسام قالي قابلني ونزلت انا وهو للعميد تاني ..العميد ارتبك لما شاف دكتور حسام –لأنه أكبر منه سناً وقيمة – دكتور حسام اتكلمه معاه بطريقة ناشفة شوية وقاله ده طالب معاه حكم محكمة بأحقيته في دخول الامتحانات وانتوا منعتوه برضه وكمان ومعاه صورة من محضر الجامعة مكتوب فيه إنه يخش في اول دور تالي ورئيس الجامعة قاله ان الدور التالي ده دور اكتوبر..العميد تراجع وقال خلاص نخليه يمتحن…وجابلي مسئول الشئون القانونية ومسئولة شئون الطلبة في الكلية..مسئول الشئون القانونية عشان يمضي علي اني امتحن ومسئولة سئون الطلبة عشان تنزلي رقم جلوس..وبالفعل وانا قاعد نزلي رقم جلوس..وقالي معتز زميلك ييجي بكرة معاه الحكم برضه وانا هنزله رقم جلوس..
المهم بعدها بيومين امتحنا وخلاص…وجاوبت كويس الحمد لله..
نتيجة دور اكتوبر ده تأخرت جداااااااااا في الظهور..وظهرت من اسبوع..دخلت علي موقع الكلية عشان اشوف النتيجة ملاقتش اسامينا….طبعاً اتصدمت ساعتها…
روحت الكلية تاني يوم وحاولت اقابل القائم بأعمال العميد حالياً -لأن العميد القديم مشي ولسه محصلش انتخابات – ..المهم معرفتش اقابل دكتور جميل عبدالباقي القائم بأعمال العميد…
جيت اليوم اللي بعده دخلتله لاقيت قدامه اوراق اجابتنا..حكيتله القصة قالي اصلا مينفعش تخشوا دور اكتوبر ..ده مخالفة للقانون…والورق مش هيتصحح…كلمت دكتور اعرفه في الكلية من حركة استقلال الجامعة.. قالي سيبني كام يوم كده وانا هتابع الموضوع ده….
كلمني امبارح قالي تعالالي بكره الكلية..روحت انهاردة لاقيت الخبر الصادم… \” دكتور جميل مُصر علي إن موضوع دخولكم الامتحانات في دور اكتوبر ده غير قانوني و إنه خطأ هيتم تداركه…
جايين قبل الامتحانات ب 25 يوم يقولوا كده..
يعني انا في سنة تالتة ولا في رابعة؟؟؟.
ويخلونا نمتحن من الاول ليه اصلا ؟؟؟
كل القصة دي عشان عارضنا مبارك في وجوده…كل ده عشان حبينا مصر بجد….كل ده عشان مرضيناش بالظلم…
هما عايزين مننا ايه؟؟؟؟ والله السؤال ده مش لاقيله إجابة …
عايزين يكسرونا ؟؟؟
مش عايزينا نحترم القانون واحنا في كلية القانون ؟؟
ايفقدوننا الانتماء ؟؟؟
هل يعاقبوننا علي حبنا لمصر؟؟؟
بالله عليكم أي قانون هذا..؟؟؟ إنه قانون ساكسونيا…..
انا حزين
محبط جدا..
عارف انه اعتراض.بس ساعات مش باقدر امنع نفسى من انى اسأل ليه يا رب ماخدتنيش مع اللى خدتهم
يا ربــــــــــــــــــــــــــــــي ……أريد عدلك
